قصيدة يا شعبى حبيبى

من طرف ***marwa*** الأحد مارس 28, 2010 4:01 pm

بسم الله الرحمن الرحيم
قصيده الى شعب مصر
يا شعبى حبيبى ياروحى يابيبى ياحطك فى جيبى يابن الحلال
يا شعبى يا شاطر يا جابر خواطر يا ساكن مقابر وصابر وعال
يا واكل سمومك يابايع هدومك ياحامل همومك وشايل جبال
ياشعبى اللى نايم وسارح وهايم وفى الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشى امورك كده باتكال
واحب اللى ينصب واحب اللى يكدب واحب اللى ينهب ويسرق تلال
واحب اللى شايف وعارف وخايف وبالع لسانه وكاتم ما قال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب اللى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كورة وفلم ومقال
واحبك تأيد تعضض تمجد توافق تنافق وتلحس نعال
تحضر نشادر وتجمع كوادر تلمع تقمع تظبط مجال
لكن لو تفكر تخطط تقرر تشغلى مخك وتفتح مجال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعملى روحك مفرد رجال
ساعتها هجيبك لا يمكن اسيبك وراح تبقى عبرة وتصبح مقال
حبهدل جنابك وأذل اللى جابك وهيكون عذابك ده فوق الاحتمال
وامرمط سعادتك واهزأ سيادتك واخلى كرامتك فى حالة هزال
وتلبس قضيه وتصبح رزيه وباقى حياتك تعيش فى انعزال
حتقبل هحبك هترفض هلبك هتطلع هتنزل هجبلك جمااااااال

ياترى ده حالنا يا شعب مصر ولا مجرد شعر وبس

من طرف **رفيع المقام 14** الأحد مارس 28, 2010 9:09 pm

ياترى ده حالنا يا شعب مصر ولا مجرد شعر وبس
ياريت على قد كدة بس
شكرا جدا ع الموضوع

قصيدة يا شعبى حبيبى

قصيدة يا شعبى حبيبى

رد: قصيدة يا شعبى حبيبى